Khale ndziku rindzerile (Tsonga love poem) by Nkateko Maluleke

Dyambu arixa rithlela ripela
Tinguva ticica, ku hisa kuthlela ku titimela
E miankanyweni na le milorhweni andziku vona kambe andzitwa uhlwela
Na vanhu avandzi hleka loko ndzivabyela leswaku ndzi yimele wena

Loko ndzahaku rindzerile ndzihlangane na vanhwana votala
Vanhwana vo saseka vaswivumbeko swo hambana hambana
Van’wana voleha, van’wana vo koma
Van’wana vobasa, van’wana va ntima

Kambe eka hinkwavo akuri hava loyi andzi koka rinoko hikuva avangari wena
Ambilwini yanga andzi switiva leswaku wena ulendleleni siku rin’wana hitahlangana
Andzitshama ndziri karhi ndziri khongerisa siku ra kona
Siku leri ndzinga hlangana na wena murhandziwa mina

Loko ndzi ku vona ro sungula swa mampela, andzitwa onge ndzo lorha
Mbilu ya mina yiba hiku hatlisa no nonoka hinkarhi wun’we
Matsolo ya rhurhumela kungari na xirhami
Nyuku wu dzururuka exikandzeni onge ndzilo cheriwa hi mati

Mihloti yi khapa khapa wonge ndzilo neriwa hi mpfula
Ndzi talelwa ndzi tsandzeka no hefemula
Marha ya oma endzeni ka nomo loko ndzilava kuku hlamula
Ndzi khomiwa hi manghanghamele loko ndzi vulavula kuve ndzitiva ndzingari na wona

Mafambelo ya wena wonge wova ntsumi yale tilweni
Swingingi swaku aswifambisana na mabelo ya mbilu yanga
Ndzitikume ndzi lahlekile amatihlweni ya wena
I nkateko lowukulu eka mina ku rhandziwa hi wena

Andzingaswitivi leswaku rirhandzu I ncini loko ndzingase hlangana na wena
U humesa vunene eka mina
Kuku anakanya ntsena switisa kunwayitela exikandzeni xa mina
Wun’wani muyimbeleri uri “loko urihava mbilu ufafa”
Kambe mina aswindzi vilerisisi hikuva ya mina yi hlayisekile emavokweni ya wena.

Nhwana wa milorho (Tsonga love poem) by Nkateko Maluleke

Nhwana wa milorho, ndzin’wi vona ntsena loko ndzi tsipe mahlo
Loko ndzin’wihleketa kuhela na vurhongo
Uphatsame athlela a damarhela endzeni ka mianakanyo yanga
Mbilu ya mina yi yimbelela risimu ra rirhandzu nkarhi hinkwawo loko ndzin’wi anakanya

Nkarhi hinkwawo ndzin’wivona a ambale nguvu xobasa ya tintsumi Yehova
Ndzi ehleketa leswaku mana wa yena kufanele kuri bulomu hikuva yena i xiluva

Angafani na vanhu van’wani I wa rixaka ra yena ari swakwe
Mbala wa yena awuhambanangi na wa sava ra lwandle
Vofana na yena Yehova angase va endla

Amunyameni ka voninga loko a n’wayitela
Tinyeleti atin’wirhandzi hikuva u vangama kutitlula
Utisa kun’wayitela a xikandzeni xa mina loko ndzin’wi hleketa
Mabelo ya mbilu ya Mina ya cinca loko andzilanguta

U koka matihlo kufana na kwangula tilo hi siku ra mpfula
Mahlo ya yena ya vangama bya xin’wetani loko xahaku huma
Meno ya base paa! Senge i kugwa hi mahlambandhlopfu ya vuxika
Figa yona yihikwaswo leswi bodhlela ra Coca Cola ringaswiteka

Ndzi rhandza vumunhu bya yena lebyo vangama ko kotisa nsuku
Marito ya yena ya nyanganya loko a vulavula hambi leswi anga vulavuleki ngopfu

Ndzi tsakisa hi swigingi swakwe loko a famba.
Xobiha wanyamalala loko ndzin’wi khoma

Ndzi hlwerile (Tsonga love poem) by Nkateko Maluleke

Ndzi hlawurile ku teka ku titwa ka mina ndzi ku gogela embilwini
Ndzi papalatile xivuriso lexi nge,”nwana loko a nga rili u ta fela ebyobyeni”
Ndza swi navela ku phofula tale makorhweni ya mbilu ya nga, kambe loko ndzi pfula nomo marito ya oma, ririmi ri damarela nomo
Vito ra Mafanato ra ndzi fanela hikuva a ndzi lavi ku phofula ku titwa ka mina

Ntiyiso i ku ndza ku rhandza, kambe rinwani jaha ri ni rhanganyetile
Ndzi navela onge ingaku akuri mina wa nkateko kambe ndzi hundzeriwini hi nkarhi
Kumbexana loko a hilo huhwa swinwe matshopetani a ndzi ta va ndzi ku phangile
Kusukela emathumbanini ku ta fika sweswi, a hi ta va ha hari swinwe na namuntlha

A swi se ti vonakarisa eka mina leswi ni swirhandzaku ngopfu hi wena, kambe le xi ndzi xitivaku hi leswaku u tshama uri emianakanhweni ya mina
Kumbe ndzi rhandza ku nwayitela ka wena, kumbe hinkwaswo leswi nga eka wena aredzi
Mbilu ya nga u yi yivile, na loko ni tsipa ni vona wena ntsena

Tolo kunene a ndzi ku vona tani hi munghana
Namunthla ndzi tsandzeka ku tikhoma loko ndzi ku vona
Ndzi rivala swilo hinkwaswo loko u humelela
Loko a wu nga tekiwangi, mina a ndzi ta veka ra vusiwana ni ti gangisela

Utata ntsako embilwini ya mina, kambe a ndzi tivi ndzi nga endla yini
Loko ndzi ku ku khumbu, ndzo ti kuma ndzi ka ri ndzi nwayitela ni nga ti twangi
Ndza swinavela ku ku yiva eka munhu wa wena kambe kavula va nge,”mbyana yodya yin’wani ayinoni

Mina na wena (Tsonga love poem) by Nkateko Maluleke

Mina na wena hakunene ha fanelana
Onge hilotswala hi munhu un’we phela hova mahahlwa
Hi rini hi rhandzana? uhm se ikhale
Hikari hiri swin’we
Hiwa hi pfuka swin’we

Hihlangana na swiyimo swobiha na swo saseka
Hiwa hithlela hi pfuka
Hi rila hi thlela hlekelela
Hi khunguvanyisana hithlela hi rivalelana

Wena u voko ra mina ra xinene, ndzitiba xifuva hi wena
U nenge wa mina wa ximatsi, ndzi tiya hi wena
Half ya xiphemu xa mbilu ya wena na half ya xiphemu xa mbilu ya mina loko swihlangana swiendla mbilu yin’we
Leyi baka xikan’we hinkarhi wun’we

U fanele uri xitulu hikuva loko ndzi tshamile ndzi ehleketa hi wena
Kumbe mbhedo hikuva ndzi tlela ndzi lorha wena
Ndzita kurhandza hambi loko se uhume tipfi
Ndzahata kurhandza na hambi loko dyambu ringa pela mundzuku ringaxi

Andzinge suki ethlelo ka wena hambi loko misava yinga dyiwa hi mati
Ndzita khomelela eka wena hambi loko tintswava tinga mbombomela elwandle
Ndzita kurhandza masiku ya mutomi bya mina hinkwabyo
Ndzita veka kunavela ka wena emahlweni hi minkarhi hi nkwayo

Hambi loko vanhu vangahi zondza etikweni
Mina na wena hi tsariwile etilweni
Dictionary leyinga endzeni ka mbilu yanga yiku hlamusela tani hi ntsako ni rirhandzu
Eka hinkwaswo swivumbiwa swa Yehova ndzi rhandza wena ngopfu