Murhandziwa (Tsonga love poem by Nkateko Maluleke, other contributions by Hlulani Manganyi)

A ndzi tivi leswaku kumbe i kufana ka swilo kambe emahlweni yanga u ntsumi
Vanhwana vofana na wena vaherile, Yehova angahava endli
Loko ndzi ku ndza kurhandza swihuma embilwini a ndzi tiendlisi
Rirhandzu leri ndzi ngana na rona ari nge khukhuriwi hi swidzhedzhe kumbe swihuhuri

Va nge ndzi damurhuti eka wena, ndzi ku damarhele bya vurimba
Ndzita tshama ethlelo ka wena hi minkarhi hinkwayo, tani hi ndzhuti wa wena
Kufika ka wena evuton’wini bya mina swindzi endlile xivumbiwa xintswa
Buruku yikumile bandhi royifasa

U sasekile, u xongile, ndziku lorha hambi loko ndziku langutile
Mbilu yanga ayaha koti notikhoma, yiba hiku hatlisa no nonoka hinkarhi wun’we
Vanhwana lava n’wani u vatwisa kuvava hikuva wa vaba hiku xonga
Loko u n’wayitela u horisa moya yanga

U bulomu lero balesa swiluva hi ximun’wana
Mpfumawulo wa marito yaku i vunanga etindleveni ta mina
U ri mbambo ra mina, ndziku yive entangeni wa eden
Kuvula ntiyiso ndzi hlonipha vatswari lavangaku ntswala

U ndzi endla munhu exikarhi ka van’wani
Hikokwalaho ka wena ndzi kumile xivangelo xo hanya emisaveni
Loko kuri kurhandza wena swivavisa van’wani timbilu, khari vona
Rirhandzu leri ndzi nga na rona aringe tshukunyukisiwi kumbe kutsekatsekisiwa hi swivulavula